Макрон Ўрта ер денгизида Россия танкери ушлаб қолинганини маълум қилди
Франция президенти Эмманюэль Макрон Ўрта ер денгизида Россиядан чиққан нефт танкери ушлаб қолинганини маълум қилди.
Унинг Х ижтимоий тармоғида ёзишича, Франция ҳарбий-денгиз кучлари халқаро санкциялар остида бўлган ва провокацион байроқдан фойдаланганликда гумон қилинган танкерга чиқиш операциясини ўтказган. Амалиёт очиқ денгизда, бир қатор иттифоқчилар қўллаб-қувватлаши билан амалга оширилган.
Макрон таъкидлашича, операция БМТнинг Денгиз ҳуқуқи тўғрисидаги конвенциясига тўлиқ мувофиқ равишда ўтказилган. Ҳодиса юзасидан суд тергови бошланган, кема эса бошқа йўналишга бурилган.
Франция президенти «соя флот» деб аталувчи фаолият Украинага қарши агрессив урушни молиялаштиришга хизмат қилаётганини қайд этиб, Париж халқаро ҳуқуқ ва санкциялар ижросини қатъий таъминлашини билдирган.
