Яна бир бало бўй кўрсатди!..
Ҳиндистоннинг Колката шаҳри яқинида вакцинаси мавжуд бўлмаган ўта хавфли Нипах вирусининг тарқалиши аниқланди. Ҳозирга қадар жами беш нафар шахсда касаллик тасдиқланган бўлиб, уларнинг уч нафари шу ҳафтада аниқланган.
The Economic Times нашрининг хабар беришича, касалланганлар орасида шифокор, ҳамшира ва яна бир тиббиёт муассасаси ходими бор. Хусусий клиникада ишлаган икки нафар ҳамшира январ ойи бошларида касалланган. Уларда юқори ҳарорат ва нафас олишда қийинлашув кузатилган. Уларнинг бири ҳозирда кома ҳолатида. Тахминан 100 нафар шахс карантинга олинган.
Маълумот учун, Нипах вируси илк бор 1999 йилда Малайзияда аниқланган. Ўшандан буён касалликнинг яна 12 марта тарқалиши қайд этилган бўлиб, барчаси Жанубий Осиё давлатларига тўғри келади. Охирги ҳолат 2024 йил июль ойида Ҳиндистонда қайд этилган бўлиб, ўшанда вирус оқибатида бир нафар ўсмир ҳаётдан кўз юмган эди.
