Сўнгги ўн йилда Interpol’га энг кўп шикоят Россия сўровлари бўйича келиб тушган — BBC
BBC ва Франциянинг Disclose лойиҳаси қўлга киритган ҳужжатлар шуни кўрсатадики, Россия Interpol сўровларини мухолифатчилар ва журналистларни ҳибсга олиш мақсадида суиистеъмол қилган.
Россиянинг Украинага кенг кўламли босқини бошлангач, Interpol “ҳар қандай потенциал суиистеъмолнинг” олдини олиш мақсадида Россия сўровларини қўшимча текширувдан ўтказишни бошлаган.
Шунга қарамай, 2024 йилда Россия сўровларининг тахминан 90 фоизи биринчи текширувдан муваффақиятли ўтган. 2025 йилга келиб эса, сўровларни текшириш учун жорий қилинган баъзи қўшимча чора-тадбирлар бажарилмай қолган.
BBC’нинг қайд этишича, Интерполга Россия сўровлари бўйича киритилган шикоятлар кўпчилик қарорлар бекор қилинишига олиб келган.
