FIFA собиқ президенти Йозеф Блаттер: «ЖЧга бориб жонингни хавфга қўйма!»
FIFA’нинг собиқ президенти Йозеф Блаттер хавфсизлик билан боғлиқ хавотирлар сабабли АҚШда бўлиб ўтадиган Жаҳон чемпионати ўйинларини бойкот қилаётган мухлисларни қўллаб-қувватлашини маълум қилди. Бу ҳақда AS нашри хабар берди. Блаттер коррупцияга қарши кураш бўйича эксперт Марк Питнинг фикрларини келтириб, мухлисларни АҚШда бўлиб ўтадиган Жаҳон чемпионати бормасликка чақирган. “Мухлислар учун битта маслаҳат бор. Қўшма Штатлардан қочинг. Менимча, Марк Пит турнирнинг ўтказилишига шубҳа билан қарашга ҳақли”, дейди Йозеф Блаттер.
Профессонал бўлсин Пит эса мамлакатдаги ички вазият мухлислар учун хавфсиз саёҳатни таъминламаётганини таъкидлаган. “Биз кузатаётган ҳолатлар – сиёсий рақибларнинг четлаштирилиши, иммиграция хизматлари томонидан суиистеъмолликлар ва бошқа омиллар мухлисларни АҚШга боришга ундамайди”, дейди у.
Питнинг сўзларига кўра, АҚШга келган мухлислар расмийлар билан муаммога дуч келса, дарҳол мамлакатдан чиқариб юборилиши мумкин. Пит мухлисларнинг АҚШга бормаслигига сабаб сифатида жорий йилнинг январь ойи бошида Миннеаполисда америкалик иммиграция ходими томонидан намойишчи Рене Гуднинг ўлдирилганини келтирган. Блаттернинг бу фикрларни қўллаб-қувватлаши эса ўтган ҳафта охирида АҚШ фуқароси Алекс Преттининг ўлими ортидан янгради.
Маълумот учун, Йозеф Блаттер 2015 йилда бир қатор можаролар ортидан FIFA президенти лавозимидан истеъфога чиққан. Унинг ўрнини Жанни Инфантино эгаллаган эди. 89 ёшли Йозеф Блаттер 2025 йилда Швейцария суди томонидан тўлиқ оқланган эди.
