Ироқ президенти иккинчи муддатга номзодини қайтариб олиш ниятида
Ироқ президенти Абдул Латиф Жамол Рашид парламент сайловлари олдидан иккинчи муддатга номзодини қайтариб олишни режалаштирмоқда.
Бу ҳақда Shafaq нашри манбаларга таяниб хабар берди.
Манбага кўра, Жамол Рашид иккинчи муддатга бўлажак овоз беришдан воз кечмоқчи. Ироқ парламенти янги президентни сайлаш бўйича сессия 27 январда режалаштирилганидек бўлиб ўтишини эълон қилди.
Шу ойнинг бошида Ироқ Вакиллар Кенгаши (парламент) сайловларда қатнашиш учун қонуний талабларга атиги 15 номзод жавоб берганини эълон қилди. Кейинчалик Федерал Олий суд яна тўрт номзодни қайта тайинлади ва уларнинг умумий сонини 19 тага етказди.
Овоз беришдан сўнг, янги президент «Қонун давлати» коалицияси раҳбарига янги ҳукумат тузишни расман топширади, деб хабар берилди.
