Тўппа тўғри қилишибди. Боплашибди!..
Францияда Миллий ассамблея депутатлари 15 ёшга тўлмаган шахслар учун ижтимоий тармоқлардан фойдаланишни тақиқлашни назарда тутувчи қонун лойиҳасини маъқуллади. Бу ҳақда 27 январь куни Bloomberg агентлиги хабар берди.
Манбада қайд этилишича, «франциялик қонун чиқарувчилар 15 ёшга тўлмаган болаларнинг ижтимоий тармоқларга киришини чекловчи қонун лойиҳасини қабул қилди».
Агентлик маълумотларига кўра, Миллий ассамблея тунги мажлисдан сўнг мазкур қонун лойиҳасини 130 нафар депутатнинг “ҳа” овозига қарши 21 нафарнинг қаршилиги билан қабул қилган. Қонун кучга кириши учун у энди Франция парламентининг юқори палатаси — Сенатга юборилади.
Маълумот учун, Австралияда 2025 йил декабрь ойида дунёда биринчи марта 16 ёшга тўлмаган болалар учун ижтимоий тармоқлардан фойдаланишни тақиқловчи қонун кучга кирган эди. Ушбу чекловлар TikTok, YouTube, Alphabet, шунингдек Instagram ва Facebook платформаларига ҳам татбиқ этилган.
Бизчи, биз. Қачон шунақанги тақиқларни қўямиз. Қачон болаларимизни газетага, китобга дават қиламиз!..
