Трамп Миннеаполисдаги миграция амалиётини ўзгартирди
АҚШ президенти Дональд Трамп Миннеаполисда ўтказилаётган кенг кўламли миграция амалиётини қайта кўриб чиқди. Бу қарор федерал агентлар томонидан 37 ёшли АҚШ фуқароси Алекс Претти отиб ўлдирилганидан сўнг юзага келган жамоатчилик норозилиги фонида қабул қилинди.
Reuters маълумотларига кўра, Трампнинг чегара масалалари бўйича маслаҳатчиси Том Хоман амалиётни тўғридан-тўғри назорат қилиш учун Миннеаполисга юборилган. Бу қадам Оқ уйнинг вазиятни юмшатиш ва маъмуриятга нисбатан танқидларни камайтиришга қаратилган.
Айни пайтда федерал судья ICE’га гаров масалалари бўйича суд жараёнларини ўтказишни буюрган. Шунингдек, тарқалган видеоёзувлар Претти федерал агентларга таҳдид солгани ҳақидаги расмий баёнотларга зид экани айтилмоқда.
