Байден президентлиги даврида унга берилган дипломатик совғалардан иккитасини лавозимни тарк этаётганда ўзида олиб қолган, бу ноқонуний ҳисобланади — Bloomberg
Агентлик хабарига кўра, АҚШ собиқ президенти Жо Байден Папуа-Янги Гвинея бош вазири Жеймс Марапедан А‑Havoc самолётининг бир бўлагини, Италия бош вазири Жоржа Мелонидан эса илматугмаларни совға сифатида олган ва кейинчалик уларни ўзида қолдирган.
Самолёт бўлаги Байденнинг амакиси билан боғлиқ. У айнан шу моделдаги самолётда учиб, 1944 йилда Папуа-Янги Гвинея қирғоғида ҳалокатга учраган.
АҚШ қонунчилигига кўра, федерал амалдорлар хорижий ҳукуматлардан қиймати 480 доллардан баланд совғаларни қабул қила олмайди. Совғадан воз кечиш дипломатик муносабатларга зарар етказиши мумкин бўлгандагина қонун истисно қилинади. Шу билан бирга, олинган барча совғалар расмий равишда АҚШ ҳукуматига тегишли ҳисобланади. Агар амалдор совғага шахсий эгалик қилмоқчи бўлса, у учун тўлов қилиши лозим.
