АҚШ Қуролли кучлари Марказий қўмондонлиги Эронга берилган зарбалар видеосини эълон қилди
Маълум қилинишича, ҳужум нишонлари сифатида Эрон Ислом инқилоби қўриқчилари корпуси қўмондонлик пунктлари, Эроннинг ҳаво ҳужумидан мудофаа тизимлари, ракета ва дрон учириш майдонлари, шунингдек ҳарбий аэродромлар танланган.
«Биринчи зарбалар тўлқинидан сўнг АҚШ кучлари Эрон томонидан амалга оширилган юзлаб дрон ва ракета ҳужумларини муваффақиятли қайтарди. Америкалик ҳарбийлар орасида ҳалок бўлганлар ёки яраланганлар ҳақида маълумот келиб тушмаган», дейилади Марказий қўмондонлик (CENTCOM) баёнотида.
