Эронга нисбатан ҳеч бир мусулмон давлат қилмаган ишни Шри-Ланка қилди!

«Reuters» агентлигининг Шри-Ланка Мудофаа вазирлигига таяниб хабар беришича, Шри-Ланка томони Эрон кемасидан келган ҳалокат сигналига (SOS) жавобан тезкор қутқарув миссиясини бошлаган.

Шри-Ланка Ташқи ишлар вазирининг баёнотига кўра, ҳозирга қадар амалиёт давомида камида 30 нафар экипаж аъзоси қутқарилиб, уларга зарур ёрдам кўрсатилган. Қутқарув ишлари Эрон кемаси ҳалокатга учраган ҳудудда давом этмоқда. Мазкур амалиёт халқаро денгиз ҳуқуқи нормалари ва инсонпарварлик тамойиллари доирасида амалга оширилмоқда.