Исроилда ўзбекистонликнинг қўлига кишан уришди!.. (видео)
Исроил полицияси ракета огоҳлантириши пайтида суратга олинган видео ижтимоий тармоқларда тарқалиб кетганидан кейин ўзбекистонлик фуқарони ҳибсга олган. Видеода эркак “Мана ҳеч ким қолмади, каламушлар қочиб кетди. Ҳеч ким йўқ”, деган гапларни айтган.
Видео интернетда тарқалганидан сўнг бир исроиллик кўчада ўзбекистонлик муҳожирни таниб қолиб, политсияга хабар берган. Муҳожирнинг ишхонасига келган полисиячи уни ҳибсга олиб, уни сўроқ қилиш учун олиб кетди. Ҳибсга олинган шахснинг таъкидлашича, унинг сўзлари исроилликларга эмас, балки танишларига қаратилган бўлиб, улар огоҳлантириш пайтида уни ёлғиз қолдириб, бомбапаноҳга қочиб кетишган.
У шунингдек, видеонинг кенг тарқалишини кутмаган ҳолда, ўз телефонида суратга олганини айтган. Ҳозирда ҳодиса ҳолатлари бўйича тергов олиб борилмоқда. Ўзбекистоннинг Исроилдаги элчихонаси ҳам ижтимоий тармоқларда айрим фуқаролар сирена чалиниши ва ракета ҳужумлари вақтида видео тасвирга олаётгани кузатилаётгани ҳақида ёзган. Элчихоан расман бундай ҳаракатлар мутлақо номақбул эканини маълум қилган.
Сирена янграган пайтда видео олиш эмас, балки зудлик билан бошпанага кириш шарт. Бу талаб Исроил Фронт орти қўмондонлиги томонидан белгиланган бўлиб, унга амал қилмаслик қонунчиликка мувофиқ жавобгарликка сабаб бўлиши мумкин.
