Россия ТИВ: АҚШ ва Исроил араб дунёсини ўз манфаатлари йўлида урушга тортмоқда!
Россия Ташқи ишлар вазирлиги Яқин Шарқдаги кескинлик бўйича кескин баёнот билан чиқди. Расмий Москванинг фикрича, АҚШ ва Исроил Эронни жавоб зарбалари беришга атайлаб мажбур қилган.
Баёнотнинг асосий нуқталари:
- Провокация: Вашингтон ва Тель-Авив Эронни айрим араб мамлакатларидаги объектларга зарба беришга ундаган. Бу эса нафақат моддий талофатларга, балки инсонлар ўлимига ҳам сабаб бўлди.
- Арабларни урушга тортиш: Россия томонининг таъкидлашича, бундан мақсад — араб давлатларини ўзларига бегона бўлган манфаатлар йўлида қонли урушга итариб юборишдир.
- Ниқоблаш: Ушбу ҳарбий ҳаракатлар орқали халқаро ҳамжамиятнинг эътибори Фаластин халқининг фожиали аҳволидан чалғитилмоқда.
Россия томони содир бўлаётган воқеалардан чуқур афсусда эканини билдириб, минтақани глобал фалокатга етаклаётган ушбу «ўйин»ларни қоралади.
