Шўринг қурғур араблар, ҳамма нарсага кўндаланг бўлиб қолишди!..
ТЕҲРОН. Эрон ҳарбийлари АҚШнинг БАА ва Қувайтдаги иккита авиабазасига зарбалар берди. Улардан бирида ангарлар йўқ қилинган, иккинчисида эса учиш-қўниш йўлакларига шикаст етказилган. Бу ҳақда Эрон Ислом инқилоби муҳофизлари корпуси (ИИМК) маълум қилди.
Шу тариқа, ИИМК Исроил ва АҚШга қарши олиб борилаётган «Содиқ ваъда — 4» операциясининг 22-босқичи мақсадларига изоҳ берди. Эрон томони ушбу зарбалар тўлқинини мамлакат жанубидаги мактабга берилган зарба оқибатида ҳалок бўлганлар учун қасд олиш деб атади.
«Минтақадаги Америка террорчиларининг «Ал-Дафра» (БАА) авиабазаси нишонга олинди. Операция давомида ушбу базанинг илғор эрта огоҳлантирувчи радари йўқ қилинишидан ташқари, MQ-9 дронлари ва U-2 разведка самолётлари тўхтаб туриши ҳамда таъмирланиши учун мўлжалланган ангарлар ҳам вайрон қилинди ва улар ҳалигача ёнмоқда», — дейилади «Fars» агентлиги келтирган баёнотда.
Шунингдек, ИИМК Қувайтдаги «Али ас-Салом» базасига ҳам зарбалар берилганини маълум қилиб, авиабазанинг радиолокация станцияси (РЛС), ёқилғи омборлари ҳамда иккита учиш-қўниш йўлаги йўқ қилинганини таъкидлади.
