Яна бир ҳоким ёрдамчиси лаққа балиқдай қўлга тушди!..

Яшнобод туманида Давлат хавфсизлик хизмати ва Департамент ходимлари томонидан ўтказилган тезкор тадбирда коррупциявий ҳолат фош этилди.

🔍 Воқеа тафсилотлари:

• Қўлга олинган шахс: Яшнобод туманидаги маҳаллалардан бирида фаолият юритувчи ҳоким ёрдамчиси.

• Жиноят мазмуни: У фуқарога тегишли бўлган кўп қаватли уйнинг 1-қаватидаги турар жойни нотурар жой тоифасига ўтказиб беришни ваъда қилган.

• Кўзланган маблағ: Ушбу «хизмат» эвазига юқори лавозимдаги танишлари орқали ҳужжатларни тўғрилаб бериш учун 5 000 АҚШ доллари талаб қилган ва пулни олаётган вақтда ушланган.

⛓ Занжир давом этди:

Тергов давомида ушбу масалани ҳал қилиши керак бўлган Яшнобод туман ҳокимлиги бўлинма раҳбари ҳам аниқланди. У ҳам 600 доллар миқдоридаги маблағни олаётган вақтида ашёвий далиллар билан қўлга тушди.

⚖️ Ҳозирги ҳолат:

• Гумонланувчиларга нисбатан Жиноят кодексининг 168-моддаси (Фирибгарлик) ҳамда 211-моддаси (Пора бериш/олишда иштирокчилик) билан жиноят иши қўзғатилди.

• Иккала шахсга нисбатан ҳам “қамоқ” эҳтиёт чораси қўлланилган.