Зеленский ва Макрон Яқин Шарқдаги таҳдидларга қарши курашишда Киев тажрибасини қўллашни муҳокама қилишди

Украина президенти Яқин Шарқдаги кескинлик кучайиб бораётган бир пайтда француз ҳамкасби Эммануэль Макрон билан телефон орқали суҳбатда хавфсизликни мустаҳкамлаш чораларини муҳокама қилди.

Зеленский бу ҳақда ўзининг ижтимоий тармоқдаги саҳифасида ёзди.

«Биз Яқин Шарқ ва Форс кўрфази минтақасини – Эрон атрофидаги вазият ва унинг истиқболларини муҳокама қилдик. Эммануел минтақада хавфсизликни мустаҳкамлаш бўйича ишимизни қўллаб-қувватлади. Украина «шаҳидлар»дан ҳимоя қилишда энг катта тажрибага эга ва бу Украина тажрибаси барча шериклар билан янгиланган ва самаралироқ коллектив хавфсизлик асосларидан бирига айланиши мумкин», деди Украина раҳбари.

Зеленский шунингдек, Макрон билан Франция, Украина ва Европа учун муҳим бўлган барча асосий хавфсизлик масалаларини муҳокама қилди. «Хусусан, [биз муҳокама қилдик] Украинадаги вазият ва бизнинг асосий мудофаа эҳтиёжларимиз. Мен унга кеча кечқурун Россиянинг кенг кўламли ҳужуми оқибатлари, шунингдек, фронт чизиғидаги ўзгаришлар ҳақида маълумот бердим. Украина аскарлари бу қишда сезиларли натижаларга эришдилар ва барча асосий мудофаа чизиқларини ушлаб туришди», деб ёзган у.

У шунингдек, Киев ва Париж келгуси ҳафталарда дипломатик музокараларга тайёргарлик кўраётганини эълон қилди.