Қотиллик учун жазо ўтаб чиққан футболчи яна қамоққа қайтарилади
«Васко да Гама AC» клуби дарвозабони Бруно Фернандес 22 йилга ҳукм қилинган бўлиб, қамоқдан чиққанидан кейин Бразилия Кубогида ўйинда қатнашгани ортидан яна қайтадан ҳибсга олинди.
15 февраль куни посбон Бразилия клуб билан шартнома имзолаган, 20 февраль куни эса Риу-Бринкау шаҳрида Бразилия Кубогининг 1/256 финалида майдонга тушганди.
Дастлабки маълумотларга кўра, озодликка чиққанидан сўнг Бруно Рио-де-Жанейро ҳудудини тарк этиш ҳуқуқига эга бўлмаган. Ушбу шартни бузгани учун у яна қамоққа қайтарилади.
Эслатиб ўтамиз, 2013 йилда «Фламенго» собиқ юлдузи қотиллик иши бўйича 22 йилга маҳкум этилган. Футболчи ўзининг собиқ севгилисини ўлдирганликда айбдор деб топилган.
