О-о-о! Шарманда бўлдик! Шармандагина бўлдик!!! Мақталган қиз тўйда … деганларидек!..
Бўлмаса, ҳаммаси биз кутгадек кечаётган эди. Абдуқодир асосийда тушди… У ёғи кутилганидай «Реал» ҳамма ёғи жароҳат билан кириб келди. Энди «Ман Сити» қутирган шер бўлади, «Реал» унинг ўлжасига айланади деб турган бир пайтимизда ҳаммаси тескарисига айланиб кетди. «Реал» ярамас умуман босар-тусарини билмай, «меҳмон»ни меҳмонлигига қараб ўтирмай, «ясаб» ташласан денг!..
Абдуқодир тиним билмади. Ҳаракат қилди. Аммо уни нотўғри жойга қўйишган эди. Агар у марказда бўўлганида Федерико Вальвердени йўлин тўсган, унинг чопқиллаб ўтиб кетишига йўл қўймаган бўларди. Аммо ўша балки, содир бўлмасди…
Хуллас, Мадриднинг «Реал» жамоасидан қабул қилинган 0:3 ҳисобидаги мағлубиятдан сўнг, «Манчестер Сити» устози Пеп Гвардиола жамоаси оғир ҳолатга тушиб қолганини тан олди. Федерико Вальверденинг биринчи бўлимда қайд этган хет-триги Чемпионлар лигасининг чорак финалига чиқиш вазифасини деярли имконсиз қилиб қўйди.
Гвардиоланинг фикрлари:
«Натижа ёмон, буни инкор этиш аҳмоқлик бўларди. Биз биринчи гол ўтказилган вазиятда ёмон ҳимояландик, кейин эса Вальверденинг маҳорати ўйин тақдирини ҳал қилди. Ҳозир кейинги босқичга чиқиш имкониятларимиз кам, лекин мен жангсиз таслим бўладиганлар тоифасидан эмасман.
Хатоларни таҳлил қилишимиз, ҳужумда фаолроқ бўлишимиз ва ўз мухлисларимиз қўллаб-қувватлаши остида камбэк қилишга ҳаракат қилишимиз керак. Ўйинимиз якуний ҳисоб даражасида ёмон эмас эди: жарима майдончасигача кўп бора етиб бордик, вазиятлар яратдик, аммо кичик деталларда аниқлик етишмади», — деди Гвардиола.
