Энг катта душманлари билан курашиб келаётганлар!.. (видео)

Оҳ-воҳингизга, дод-войингизга қараб ўтирмайди. Минга қўйиб ўтиб кетади. Кейин бир куни қарасангиз юзингизга ажинлар тушган, ҳамма сизни ҳурматлаб тўрга ўтказган… Кўчада кўриб қолишса икки букилиб салом беришган… Бошда кўниколмай юрасиз. Кейин салом беришмаса ҳайрон бўласиз. Ҳатто танбеҳ берасиз. Салдан кейин эса майли салом беришмаса ҳам кўчада юрсам эди, дейсиз. Ана ундан кейин… У ёғини айтолмайман… Шунинг учун мен вақтни ёмон кўраман. Ҳар нимани тўхтатиш, бошқариш мумкин. Аммо вақтга ҳар қанақасига кучингиз етмайди. Вақт бир кун  келиб сизни бошингизга етади. Даҳшатлими?! Ҳа, шундай. Лекин аччиқ ҳақиқат шу!.. Вақт душман. Энг катта душман. У билан ҳар лаҳзада кураш олиб борасиз!..