Ким?! «Арсенал». Ким айтди?! Суперкомпьютер аниқлабди?! Бўлиши мумкин эмас. Биз бошқа нарсани кутаяпмиз!..

Гарчи, биз мухлислик қилаётган «Ман Сити», «Реал»га биринчи ўйинда ютқазиб қўйган бўлсада, аммо биз ҳали умидимизни узганимиз йўқ. Бироқ қанақангидир  суперкомпьютер «Арсенал»ни  Чемпионлар лигаси фаворити деб ҳисоблабди. Мана у жамоаларга «чемпионлик»ни қандай тақсимлаган.

 Opta Sports суперкомпьютери Чемпионлар лигаси 1/8 финалининг дастлабки ўйинларидан сўнг жамоаларнинг турнирдаги ғалаба қозониш имкониятларини қайта ҳисоблаб чиқди.

Натижада қуйидаги рейтинг шаклланди:

1. Арсенал – 28%

2. Бавария – 22%

3. Барселона – 11%

4. ПСЖ – 10%

5. Реал – 8%

6. Атлетико – 6%

7. Ливерпуль – 5%

8. Ньюкасл – 2%

9. Манчестер Сити – 2%

10. Буде-Глимт – 2%

11. Байер – 2%

12. Галатасарай – 1%

13. Челси – 1%

14. Спортинг – 1% дан кам

15. Тоттенхэм – 1% дан кам

16. Аталанта – 1% дан кам

«Арсенал»нинг биринчи ўринда қайд этилиши кўпроқ инерцияга боғлиқ: «тўпчилар» мавсум бошидан бери ушбу рейтингда етакчилик қилиб келмоқда. Бироқ уларнинг чорак финалга чиқиши ва айниқса турнирдаги ғалабаси «Байер» билан бўлган 1:1 ҳисобидаги ўйиндан сўнг у қадар аниқ кўринмаяпти. Мазкур баҳсда лондонликлар ҳатто мағлубиятга учрашларига сал қолган эди.

Энди сиз шунга ишонасизми?!