ТУРКИЯДА «СОХТА КАЪБА» ПАЙДО БЎЛДИ!?.(ВИДЕОФАКТ)
Screenshot
Туркиянинг Кожаэли вилоятида суратга олинаётган фильм учун қурилган Макка шаҳри макети маҳаллий аҳоли орасида кутилмаган шов-шувга сабаб бўлди.
Тарихий фильм суратга олиш жараёнлари учун махсус майдонда Муқаддас Макка шаҳри ва Каъбанинг аниқ макети (декорацияси) барпо этилган эди. Бироқ, суратга олиш майдонидан хабар топган фуқаролар у ерга оқиб кела бошлашди.
Гувоҳларнинг сўзларига кўра, юзлаб одамлар фильм учун қурилган декорацияни «зиёрат қилиш» ва Каъба макетига қўл теккизиш мақсадида келишган. Натижада ҳудудда катта тирбандлик юзага келган. Одамларнинг макет атрофида худди ҳақиқий Каъбани тавоф қилгандек айланишлари ва ҳиссиётларга берилиши ижтимоий тармоқларда турлича кутиб олинди.
