Табора, чорасизланаётган Трамп, энди НАТОга дўқ-пўписа қила бошлади!..
The Guardian: Эрон Ҳурмуз бўғозини ёпиб, АҚШдан ташаббусни тортиб олди
Британиянинг нуфузли «The Guardian» нашри Яқин Шарқдаги кескинлик янги босқичга чиққани ва Вашингтон Теҳроннинг кутилмаган зарбасидан шок ҳолатига тушиб қолганини маълум қилди.
15 март куни эълон қилинган мақолада айтилишича, Эроннинг Ҳурмуз бўғозини тўсиб қўйиш қарори минтақадаги кучлар мувозанатини бутунлай ўзгартириб юборди. Эндиликда можародаги ташаббус АҚШ ва Исроил қўлидан чиқиб кетмоқда.
Вазиятнинг асосий нуқталари:
-
Иқтисодий титраш: Ҳурмуз бўғозининг блокадаси жаҳон иқтисодиётига кучли зарба бермоқда.
-
Оқ уйнинг чорасизлиги: Лондон Қироллик коллежи профессори Питер Нойманнинг таъкидлашича, Вашингтон Теҳроннинг бу қадамини кутмаган эди ва бир неча кундан бери муносиб жавоб топишга қийналмоқда.
-
Трампнинг талаби ва таҳдиди: АҚШ Президенти Дональд Трамп нефть етказиб беришда ушбу йўналишга боғланиб қолган давлатларни хавфсизликни таъминлашга чақирди. Шу билан бирга, у НАТО давлатларини агар бўғозни очишда ёрдам бермаса, «ёмон келажак» кутаётгани билан қўрқитди.
-
Узоқ муддатли назорат: АҚШлик ҳарбий таҳлилчи Эрл Расмуссеннинг фикрича, Эрон бўғозни бир неча ой давомида ўз назоратида ушлаб туриши мумкин. Буни тўхтатиш учун Вашингтон энг радикаль чораларга қўл уришга мажбур бўлади.
Осиёдаги инқироз: Нефть нархининг кўтарилиши ва ёнилғи тақчиллиги Осиё давлатларини оғир аҳволга солиб қўйган. Стратегик захиралар ҳам вазиятни қутқара олмаяпти.
