АҚШ Эрон дронлари сабаб ҳаво мудофаа тизимлари заифлашаётганини тан олди
19FortyFive нашрининг ёзишича, Эроннинг арзон дронлардан фойдаланган ҳолда амалга оширган ҳужумлари АҚШнинг қиммат ҳаво мудофаа тизимларига жиддий босим ўтказмоқда.
Мақолада айтилишича, айниқса Shahed дронларини ишлаб чиқариш харажатлари уларни йўқ қилиш учун қўлланиладиган қуроллар нархига нисбатан жуда арзон. Бу эса АҚШ мудофаа тизими учун катта муаммо туғдирмоқда.
Нашр муаллифлари таъкидлашича, Америка ҳаво мудофаа тизимлари томонидан қўлланиладиган ҳар бир ракета нархи тахминан 3 миллион доллардан 12 миллион долларгача етади. Шу сабабли арзон дронларга қарши кураш иқтисодий жиҳатдан ҳам қимматга тушмоқда.
