Туркия ТИВ раҳбари Яқин Шарққа сафар қилишини маълум қилди
Хакан Фидан Анқарада Канада ташқи ишлар вазири Анита Ананд билан ўтказилган қўшма матбуот анжуманида Яқин Шарққа сафар қилишини маълум қилди.
Туркия ташқи ишлар вазири ўз чиқишида яқин кунларда урушни тўхтатиш бўйича чораларни муҳокама қилиш мақсадида минтақага ташриф буюришини айтди.
«Эртадан бошлаб минтақавий сафарга чиқаман. Биз минтақа давлатлари вакиллари билан учрашамиз», — деди Фидан.
Унинг таъкидлашича, мазкур ташриф можарони дипломатик йўл билан ҳал қилиш имкониятларини муҳокама қилишга қаратилган.
