Хоманаий: «АҚШ билан Исроил бекор айтибди. Биз энди ўт очишни бошладик! Душман, дўзах азобини кўради!..»
Хоманаий АҚШнинг ўт очишни тўхтатиш таклифини рад этди — Reuters
Эрон олий раҳбари Можтаба Хоманаий АҚШ томонидан илгари сурилган ўт очишни тўхтатиш бўйича таклифни рад этди. Бу ҳақда Reuters агентлиги эронлик расмийга таяниб хабар берди.
Манбага кўра, воситачилар орқали Теҳронга етказилган деэскалация таклифлари қабул қилинмаган. Хоманаий АҚШ ва Исроил аввал “тиз чўкиши” кераклигини таъкидлаган.
Агентлик суҳбатдошининг айтишича, Эрон раҳбари Вашингтон ва Тель-Авивга нисбатан жуда қатъий позицияни эгаллаган ва жавоб чоралари кўриш ниятида.
Айни пайтда АҚШ ва Исроилнинг Эронга қарши ҳарбий амалиёти учинчи ҳафтага кирган. Томонлар ўзаро зарбалар алмашмоқда.
Тель-Авив бу ҳаракатларнинг асосий мақсади Эроннинг ядровий қуролга эга бўлишининг олдини олиш эканини билдирган.
Вашингтон эса Эроннинг ҳарбий салоҳиятини йўқ қилиш билан таҳдид қилиб, мамлакат аҳолисини ҳукуматга қарши чиқишга чақирган.
Эрон эса ўз навбатида ўзини ҳимоя қилишга тайёр эканини таъкидлаб, ҳозирча музокараларни қайта бошлаш учун асос кўрмаётганини билдирмоқда.
