«Дунё тан бермоқда!» — Абдуқодир Хусанов «Манчестер Сити» ва жаҳон футболининг янги афсонасига айланмоқдами? Дунё мухлислари нима дейишмоқда? (Видеофакт)
Интернетининг инглиз тилидаги сегментида ҳамюртимиз Абдуқодир Хусановнинг ўйини акс этган видео трендга чиқди. Дунёнинг турли бурчакларидан келаётган изоҳлар эса ҳайратланарли: Мисрдан Таиландгача, Қозоғистондан Англиягача — ҳамма бир овоздан ўзбек ўғлонининг истеъдодига тан бермоқда!
Дунё мухлислари нима дейишмоқда?
Изоҳлардаги энг асосий ва қизиқарли фикрларни тўпладик:
- «Ҳозирда Осиёнинг энг кучли марказий ҳимоячиси! Таиланддан меҳр ва ҳурмат билан!» — деб ёзади хорижлик мухлислардан бири.
- Кўпчилик Абдуқодирни Гвардиола қўл остида янада порлайдиган «қимматбаҳо тош»га ўхшатмоқда. «Унда тезлик, куч ва совуққонлик уйғунлашган. Унга фақат АПЛ тажрибаси керак, холос.»
- Мухлислар Абдуқодирнинг ўз дарвозаси олдида, рақиб босим қилаётган вазиятда тўпни кўкраги билан дарвозабонга оширганини юқори баҳолашмоқда: «Бундай совуққонлик фақат буюк ҳимоячиларга хос!»
«У камтар, лекин майдонда ҳақиқий «йиртқич». Бир-икки йилда дунёнинг энг зўр ҳимоячиси бўлади. Пеп қўл остида у «Сити» афсонасига айланади!»
Нима учун Хусанов ҳаммани ҳайратда қолдирмоқда?
Мухлислар таҳлилига кўра, Абдуқодирда замонавий ҳимоячи учун керак бўлган 4 та олтин сифат бор:
- Тезлик — ҳар қандай ҳужумчини қувиб ета олади.
- Ақл — ўйинни ўқиш ва вазиятни олдиндан сезиш.
- Жисмоний куч — яккакурашлардаги устунлик.
- Техника — тўп билан муомала қилишда ярим ҳимоячилардан қолишмайди.
Абдуқодир Хусанов нафақат ўзининг, балки бутун Ўзбекистоннинг довруғини дунёга танитмоқда. Изоҳлардаги энг таъсирли гап эса мана бу: «Сити олмосларни топади ва уларнинг асл салоҳиятини очади… Бу болакайни яхши кўриб қолдик!»
Сиз-чи, Абдуқодирнинг «Манчестер Сити»даги келажагига ишонасизми? AK45 дунёнинг энг қиммат ҳимоячиси бўла оладими? Фикрларингизни қолдиринг!
