Президент энди шуни эълон қилиб ўтирса! Халқ дарди билан шуғулланса бўлмайдими а?
Жанубий Корея Президенти Ли Чже Мён шанба куни Сеул марказида бўлиб ўтадиган BTS гуруҳининг катта қайтиш концерти ҳақида расмий баёнот берди. Давлат раҳбари ушбу тадбирни мамлакатнинг дунёдаги маданий мавқеини мустаҳкамлашда муҳим аҳамиятга эга эканлигини таъкидлади.
Президент бошчилигидаги Вазирлар Маҳкамаси йиғилишида мазкур концерт давлат аҳамиятидаги тадбир сифатида кўриб чиқилди. Шу сабабли Сеулда хавфсизлик чоралари энг юқори даражага кўтарилди. Концерт Сеулнинг тарихий марказида бўлиб ўтади ва у ерга 260 000 дан ортиқ мухлислар келиши кутилмоқда. Президент Ли жамоат хавфсизлигини таъминлаш учун ички ишлар ва фавқулодда вазиятлар хизматларига шай ҳолатда туриш ҳақида кўрсатма юерди. Тадбир муносабати билан пойтахтнинг марказий кўчаларида ҳаракатланиш чекланади ва хавфсизликни таъминлашга минглаб полиция ходимлари жалб этилади.
Бу концерт гуруҳнинг барча етти аъзоси ҳарбий хизматни тўлиқ тугатганидан кейинги илк жамоавий чиқиши бўлади. Шунингдек, концерт гуруҳнинг янги «ARIRANG» деб номланган альбоми чиқиши билан бир вақтга тўғри келмоқда. Тадбир Netflix платформаси орқали дунёнинг 190 дан ортиқ мамлакатига жонли эфирда узатилади. Шанба кунги шоудан сўнг гуруҳнинг 2026–2027 йилларга мўлжалланган жаҳон турнеси бошланади.
