«ЛИВЕРПУЛЬ» «БРАЙТОН»ДАН ТАРСАКИ ЕДИ! 35 ЁШЛИ УЭЛБЕК ЁШЛИГИНИ ЭСЛАБ, ДУБЛЬ ҚАЙД ЭТДИ!
Слот жамоаси Чемпионлар лигасини истамаяптими? Ёки қўлидан келмаяптими? Мерсисайдликлар ушбу турдан сўнг АПЛ турнир жадвалида олтинчи ўринга тушиб кетиши мумкин!
«Ливерпуль» Англия Премьер-лигасида охирги марта қарийб бир ой олдин ғалаба қозонган эди. Ўшандан бери жамоанинг натижалари фақат пастга қараб кетмоқда: бир дуранг ва иккита кетма-кет мағлубият!
Бугунги ўйинда «Брайтон» фахрийси Дэнни Уэлбек ҳақиқий шоу кўрсатди. 35 ёшли ҳужумчи ўзининг энг гуллаган даврларидагидек ўйин намойиш этиб, иккита гол урди ва «қизиллар»нинг ҳимоясини тирқиратиб ташлади. Арне Слот шогирдлари эса майдонда ожиз кўринди.
Ливерпуль клуби инқироз ботқоғига ботмоқдами? Агар вазият шу тарзда давом этса, жамоа нафақат чемпионлик пойгасидан, балки кучли тўртликдан ҳам муддатидан олдин чиқиб кетиши ҳеч гап эмас.
