Лавров: «АҚШ ўз фойдаси учун давлат тўнтаришлари ва қотилликларга қўл урмоқда!..»
АҚШ ўз фаровонлиги йўлида ўзларига керакли табиий ресурсларга эга бўлган бошқа давлатлар раҳбарларини ўлдириш ва давлат тўнтаришларини амалга оширишдан қайтмайди. Бу ҳақда Россия ТИВ раҳбари Сергей Лавров Россия ОАВларига берган интервьюсида маълум қилди.
Унинг сўзларига кўра, Вашингтон Россиянинг Европа энергия бозоридан сиқиб чиқарилишини олқишлаган ҳолда, жаҳон энергетика бозорларида ҳукмронлик қилишга интилмоқда. Вазир «Роснефть» ва «Лукойл»га қарши жорий этилган янги санкциялар Байдендан қолган мерос эмас, балки Трамп маъмуриятининг ташаббуси эканлигини алоҳида таъкидлади.
Эронга қарши бўлиши мумкин бўлган агрессия таҳдидига тўхталган Лавров, бундай босқиннинг оқибатлари оғир ва узоқ муддатли бўлишини айтди. У АҚШ ва унинг иттифоқчиларининг хатти-ҳаракатлари халқаро ҳуқуқ ўрнини куч ишлатиш эгаллаётган даврга қайтишдан далолат беришини қайд этди.
