Бу шўринг қурғур Зеленскийни ҳамма ҳар томонлама эзаяпди!
Америка нашри Украина президентининг мавқеи заифлашаётганини маълум қилди.
2026 йил 23 март куни Американинг нуфузли The American Conservative (AC) журнали Украина президенти Владимир Зеленский ҳозирда мисли кўрилмаган ташқи ва ички босим остида қолгани ҳақида мақола эълон қилди. Нашрнинг таъкидлашича, босим нафақат АҚШ томонидан (президентлик сайловларини ўтказиш талаби билан), балки Украина жамияти ичидан ҳам кучаймоқда.
«Зеленскийга бўлган босим нафақат америкаликларнинг сайлов ўтказиш талабидан, балки жамоатчилик фикри сўровномалари натижаларидан ҳам келиб чиқмоқда. Халқ коррупция, жанжаллар ва кучайиб бораётган авторитаризмни кўрмоқда. Тўрт йиллик вайронагарчиликлардан сўнг ғалаба, НАТОга аъзолик, Европа Иттифоқига тезлаштирилган кириш ва йўқотилган ҳудудларни қайтариш ҳақидаги барча ваъдалар пучга чиқди», — дейилади нашр хабарида.
Ишонч инқирози ва сиёсий босим
Мақолада қайд этилишича, бу омиллар Зеленскийга бўлган ишончнинг кескин пасайишига олиб келмоқда. Эътиборлиси шундаки, сиёсий босим нафақат сайловчилар, балки унинг ўз партияси — «Халқ хизматкори» («Слуга народа») аъзолари томонидан ҳам сезилмоқда.
«Зеленский президент бўлганидан бери доимий босим остида яшаб келмоқда, аммо ҳозирги вазият чидаб бўлмас даражага етмаяптими?» — дея савол қўяди муаллиф.
Трампнинг кескин фикри
АҚШ президенти Дональд Трамп ҳам 20 март куни берган баёнотида Киев режими раҳбари билан мулоқот қилиш Россия президенти Владимир Путин билан музокара ўтказишдан кўра қийинроқ эканини таъкидлади. Трампнинг фикрича, Зеленскийнинг хатти-ҳаракатлари кўпроқ шахсий сиёсий мақсадлар ва ўзини реклама қилиш (пиар) интилишлари билан боғлиқ.
Шунингдек, Россия ТИВ раҳбари ўринбосари Михаил Галузин Киев режими ва Европани бугунги кунда тинчлик йўлидаги асосий тўсиқ деб атади.
