“Ўзатом” ва “Росатом” ҳамкорлик бўйича “йўл харитаси”ни имзолади
“Ўзатом”нинг хабар беришича, бугун, 24 март куни Тошкент шаҳрида ва Жиззах вилоятининг Фориш туманидаги бўлажак АЭС қурилиш майдончасида бўлиб ўтган тадбирлар доирасида стратегик ҳамкорликка оид муҳим ҳужжатлар имзоланган ҳамда дастлабки бетон ишларига расман старт берилган.
“Ўзатом” агентлиги ва “Росатом” атом энергияси бўйича давлат корпоратсияси ўртасида атом ва унга ёндош соҳалардаги ҳамкорлик бўйича йўл харитаси, шунингдек, Ўзбекистонда интегратсиялашган атом электр стансиясини қуриш бўйича шартномага доир келишув имзоланган.
