Трамп: Исроил Эрон билан эҳтимолий келишувдан мамнун бўлади
АҚШ президенти Дональд Трамп журналистлар билан мулоқотда Эрон билан эҳтимолий сулҳ келишуви ва унинг оқибатлари ҳақида фикр билдирди.
Журналистнинг Исроил бундай келишувга амал қилиш- қилмаслиги ҳақидаги саволига жавобан, Трамп Исроил бу келишувдан мамнун бўлишини айтди.
Унинг таъкидлашича, АҚШ томони яқинда Исроил билан музокаралар ўтказган ва у ерда бу масала муҳокама қилинган. Трампга кўра, Исроил ушбу эҳтимолий келишувни ижобий қабул қилган.
“Менимча, улар жуда хурсанд бўлишди. Бу Исроил учун тинчлик, узоқ муддатли тинчлик, кафолатланган тинчлик бўлади”, — деди у.
Шу билан бирга, Трамп бундай сценарий юз беришига тўлиқ кафолат беролмаслигини, аммо бу эҳтимол юқори эканини қайд этди.
