Ўзига бек куёв: Тўйига худди бозорга чиққандек келган йигит трендга айланди (Видеофакт)
Ўзбекистон тўйларидаги дабдаба ва «гламур» даври тугаяптими? Ижтимоий тармоқларда тарқалган навбатдаги видео кўпчиликни нафақат ҳайрон қолдирди, балки қизғин баҳсларга сабаб бўлди. Видеода куёв ўз тўйига худди уйидан нонга чиққандек — оддий, ҳаттоки дазмол ҳам кўрмаган кўйлак ва шимда кириб келгани акс этган.
Меҳмонлар шокда, келин эса… Видеодаги кадрлардан кўриш мумкинми, тўйга келган меҳмонлар куёвнинг бу «стили»ни кўриб, кўзларига ишонишмаган. Ҳамма қимматбаҳо костюм-шим ва ялтироқ туфли кутган бир пайтда, куёв «бош қотириб ўтирмасликка» қарор қилган. У қўлига нима илинса, шуни кийиб тўйхонага кириб келаверган.
