Эркак эмас, гўдак: Ирина Шейк Роналдудан кейин илк бор бор ҳақиқатни айтди!
Дунёнинг энг гўзал жуфтликларидан бири ҳисобланган Ирина Шейк ва Криштиану Роналдунинг ажралиши ҳалигача мухлислар тилидан тушмаяпти. Аммо Иринанинг айрилиқдан кўп ўтмай берган интервюси Роналдунинг «идеал эркак» образига қаттиқ зарба бўлди. Супермодель ўз ҳаётидаги энг машҳур инсон билан ўтган йилларини «бахтсизлик» деб атади!
Иринанинг сўзларига кўра, унинг идеал эркаги — вафодор, содиқ ва аёллар билан муомала қилишни биладиган ҳақиқий джентльмен. «Мен аёлларни бахтсиз қиладиган эркакларга ишонмайман. Улар эркак эмас, шунчаки вояга етмаган болакайлар холос!» — дея таъкидлади модель. Бу сўзлар бевосита Роналдунинг манзилига айтилган аччиқ пичинг эканини пайқаш қийин эмас.
Дунё тан олган гўзал Ирина Шейк Роналдунинг ёнида ўзини номукаммал ва ишончсиз ҳис қилганини тан олди. Унинг фикрича, агар аёл ўз эркагининг ёнида ўзини хунук ҳис қилаётган бўлса, демак, ёнидаги инсон унга мутлақо мос эмас. «Мен бир вақтлар идеал эркакни топдим деб ўйлагандим, аммо ҳаммаси бошқача бўлиб чиқди. Номуносиб эркакнинг ёнида ўзимни хунук ва ноқобил ҳис қилдим», — дейди Ирина алам билан.
