Эрон ҳарбийлари Америка танкерини чил-парчин қилди
Ижтимоий тармоқларда Эрон ҳарбий-денгиз кучлари томонидан ҳужумга учраган «Safesea Vishnu» нефть танкерининг янги видеолари тарқалди. Маршалл ороллари байроғи остида сузаётган ушбу улкан кема 12 мартга ўтар кечаси Форс кўрфазининг шимолий қисмида уриб туширилган эди. Энди эса кундузи олинган кадрлар ёнғин кўламининг нақадар даҳшатли эканини кўрсатмоқда.
«Камикадзе» катерининг зарбаси Эрон ҳарбийларининг таъкидлашича, танкер Ислом инқилоби посбонлари корпусининг (ИИПК) огоҳлантиришларига мутлақо эътибор бермаган. Натижада, Эрон томони масофадан бошқариладиган, портловчи моддалар билан тўлдирилган «камикадзе» катерини ишга солган. Зарба шу қадар кучли бўлганки, кема бир лаҳзада олов ичида қолган. Қора тутун ва блокаданинг бузилиши Янги видеоларда кемадан кўтарилаётган қоп-қора тутун булутлари осмонни қоплаб олганини кўриш мумкин. Ижтимоий тармоқ фойдаланувчиларининг фикрича, танкер 28 февралдан бери Эрон томонидан ўрнатилган Ормуз бўғози блокадасини ёриб ўтмоқчи бўлган. Аммо Теҳрон бунга йўл қўймади ва кемани «жазолади».
Нефть нархи кўтариладими? АҚШ ва унинг иттифоқчилари ушбу ҳужумни кескин қоралаб, буни халқаро энергетика хавфсизлигига таҳдид деб аташмоқда. Бироқ Эрон томони бу ҳаракатлар Америка ва Исроилнинг Эрон ҳудудига бераётган зарбаларига мажбурий жавоб эканини даъво қилмоқда. Эндиликда ушбу ҳудуд орқали сузаётган ҳар қандай Америка кемаси «Safesea Vishnu» тақдирини такрорлаши мумкин!
