Эрон яқин шарқда “жаҳаннам олови”ни ёқмоқда (Видео)

Эроннинг бир нечта учувчисиз учиш аппаратлари (дрон-камикадзелар) Қувайт халқаро аэропортига аниқ зарбалар берди. Ижтимоий тармоқларда тарқалган кадрлар ҳақиқий қиёмат манзарасини эслатмоқда.

Зарбалар натижасида аэропортнинг радиолокация тизими (РЛС) жиддий шикастланган. Бу диспетчерларнинг самолётларни кузатиш қобилиятини мутлақо йўққа чиқарди.

Дронлар авиация ёнилғиси сақланадиган улкан резервуарларга келиб тушган. Натижада аэропорт ҳудудида улкан ёнғин бошланди, қоп-қора тутун булутлари бир неча ўн километр масофадан кўриниб турибди.

Аэропорт фаолияти номаълум муддатга тўхтатилди. Барча рейслар бекор қилинган, Қувайтга қўниши керак бўлган самолётлар қўшни давлатларга йўналтирилмоқда. Терминалларда қолган минглаб йўловчилар орасида ваҳима ҳукм сурмоқда. Ўт ўчириш гуруҳлари ёнғинни жиловлашга ҳаракат қилмоқда, аммо ёнилғининг кўплиги ишни қийинлаштирмоқда.

Экспертларнинг фикрича, бу ҳужум Эроннинг минтақадаги ҳаво қатновини исталган вақтда тўхтатиб қўйишга қодирлигини кўрсатиш учун қилинган «мушак намойиши»дир. Қувайт каби муҳим логистик марказнинг ишдан чиқиши жаҳон авиацияси ва иқтисодиётига катта зарар етказиши мумкин.