МИЛЛИОНЕР КАБИ ФИКРЛАНГ: Бой ва камбағал тафаккури ўртасидаги 12 та асосий фарқ
Нима учун баъзи одамлар улкан бойликка эришади, бошқалар эса бу ҳақда фақат орзу қилади? Машҳур тадбиркор ва коуч Т. Ҳарв Экернинг фикрича, бойлик — бу аввало инсон онгидаги жараёндир. Унинг «Миллионер онги сирлари» китоби бутун дунёда бестселлер бўлиб, миллионлаб инсонларнинг «молиявий термостатини» ўзгартиришга ёрдам берган.
Т. Ҳарв Экердан олтин қоидалар
Экернинг фикрича, бизнинг фикрларимиз ҳиссиётларга, ҳиссиётлар ҳаракатга, ҳаракатлар эса натижага олиб келади:
«Агар молиявий муваффақият даражасини ўзгартирмоқчи бўлсангиз, аввал ичингиздаги «молиявий термостатни» ўзгартиринг».
«Муваффақият сири муаммолардан қочишда эмас, балки ҳар қандай муаммодан кучлироқ бўлиб ўсишдадир».
Бой ва камбағал ўртасидаги 12 та тафовут
Т. Ҳарв Экер ўзининг шахсий тажрибаси ва кузатувлари асосида бойликка эришиш йўлидаги энг муҳим 12 та тафовутни қуйидагича белгилайди:
1
«Мен ҳаётим ижодкориман».
«Ҳаммаси тақдирдан».
2
Ютиш учун ўйнашади.
Ютқазмаслик учун ўйнашади.
3
Кенг кўламда фикрлашади.
Фақат майда нарсаларни ўйлашади.
4
Имкониятларга эътибор қаратишади.
Тўсиқларга диққат қилишади.
5
Бошқалар муваффақиятидан завқланишади.
Муваффақиятли одамларга ҳасад қилишади.
6
Омадли одамлар билан мулоқот қилишади.
Омадсизлар билан вақт ўтказишади.
7
Натижа учун ҳақ олишни хоҳлашади.
Иш соати учун ҳақ олишни исташади.
8
«Ҳам униси, ҳам буниси» деб ўйлашади.
«Ё у, ё бу» деб чекланишади.
9
Пулни бошқаришни билишади.
Пулни тўғри ишлата олишмайди.
10
Пулни ўзлари учун ишлатишади.
Пул учун ишлашади.
11
Қўрқувга қарамай ҳаракат қилишади.
Қўрқув уларни тўхтатиб қолади.
12
Доимо ўқиб-ўрганишади.
«Ҳамма нарсани биламан» дейишади.
Ҳарв Экернинг ҳаёти ҳам осон бўлмаган — у нўлдан бошлаб, атиги икки ярим йил ичида миллионерга айланган. Унинг асосий хулосаси шундан иборат: «Сиз керакли вақтда, керакли жойда бўлишингиз етарли эмас. Сиз керакли жойдаги КЕРАКЛИ ОДАМ бўлишингиз керак».
Агар сиз молиявий эркинликка эришмоқчи бўлсангиз, қулайлик зонасидан чиқишга ва доимий равишда ўз устингизда ишлашга одатланишингиз зарур.
