«Нос чакиб олсанглар, қимирламайди» — Жаҳонгир Отажонов антиқа мастер-класс (ВИДЕО)
Ўзбек шоу-бизнесининг энг ёрқин ва кутилмаган чиқишлар устаси Жаҳонгир Отажонов ёш ижодкорлар учун навбатдаги «мастер-класс»ни ўтказди. Бу галги маслаҳат на нафақат вокал техникаси, балки… носвой билан боғлиқ бўлиб чиқди.
Хонанда ҳазил тариқасида олинган видеолавҳада овозни қандай қилиб «жойига тушириш» ва ижро пайтида тебранмай туриш сирини очди. Унинг фикрича, носвой чакиш овозни созлашда «беқиёс» рол ўйнармиш. «Нос чакиб олсанглар, қимирламайди», — дея таъкидлайди хонанда ёш санъаткорларга қарата.
Видео остида пайдо бўлган энг машҳур ва қизиқарли савол эса кўпчиликни ўйлантириб қўйди: «Хўш, агар ижрочи аёл киши бўлса, унда нима қилиш керак? У ҳам нос чакиши керакми?»
Жаҳонгир Отажоновнинг бу чиқиши, одатдагидек, унинг ўзига хос юмори ва «шок» терапиясининг бир қисмидир. Мухлислар хонанданинг бундай чиқишларига аллақачон ўрганиб қолган бўлса-да, бу галги «маслаҳат» анча вақтгача кулги ва муҳокама мавзуси бўлиб қолиши аниқ.
