Урушга битта Беларусь етишмай турганди!..
Беларусь урушга тайёргарлик кўрмоқда, деб баёнот берди мамлакат раҳбари Александр Лукашенко. «Биз Қуролли Кучларни шунинг учун тузганмиз, шунинг учун уларни таъминлаб турибмиз, халқ шунинг учун пул ажратмоқда… Агар кимдир тўсатдан биз билан қурол нишони орқали гаплашишга ва бизга қарашга қарор қилса, биз жавоб қайтарамиз. Шунинг учун ҳам тайёргарлик кўряпмиз», — деди у мамлакат Қуролли Кучларининг комплекс текшируви якунларига бағишланган йиғилишда.
Александр Лукашенконинг сўзларига кўра, бу текширув «ҳар қачонгидан ҳам кенг кўламли ва қаттиқ» бўлган — унинг давомида ҳарбий бўлинмалар об-ҳаво ва сутка вақтига қарамасдан, «жанговар шароитга максимал даражада яқинлаштирилган» ҳолатларга қўйилган. Мамлакат раҳбари буни «геосиёсий вазиятнинг жиддийлиги, Беларусь чегараларига бевосита яқин жойдаги воқеалар ва таҳдидлар» билан изоҳлади.
Лукашенконинг таъкидлашича, уруш содир бўлган тақдирда Беларусь ўз армияси сонини ярим миллион кишигача етказиши мумкин. Аввалроқ у Беларусга қилинган ҳужум «учинчи жаҳон урушининг муқаддимаси» бўлишидан огоҳлантирган эди.
