ЖЧ-2026 йўлланмасини қўлга кирита олмаган энг қиммат терма жамоалар
Рейтингнинг мутлақ етакчиси сифатида биринчи ўринни Италия терма жамоаси (834 млн евро) эгаллади. Ундан кейинги ўринда катта фарқ билан Дания терма жамоаси (375 млн евро) бормоқда. Учинчи поғона 299 млн еврога баҳоланган Сербия терма жамоасига насиб этди.
Тўртинчи ўриндан Греция (288 млн евро), бешинчи ўриндан эса Украина терма жамоаси (262 млн евро) жой олди. Олтинчи кўрсаткич Полша терма жамоасига (215 млн евро) тегишли бўлди.
Рейтингда Европадан ташқари биринчи бўлиб қайд этилган жамоа Нигерия (209 млн евро) бўлиб, у еттинчи ўринни эгаллади. Саккизинчи ўринда Венгрия (206 млн евро), тўққизинчи ўринда эса Уэлс (198 млн евро) қайд этилди. Кучли ўнликни Камерун терма жамоаси (197 млн евро) якунлаб берди.
