Ҳеч бир президент Исломни масхара қилмаслиги керак (Видео)
Ҳеч бир президент Исломни масхара қилмаслиги керак, бу сизнинг ваколатингизда эмас! – Такер Карлсон
Журналист Доналд Трампнинг Пасха байрами тонгида Эрон бўйича эълон қилган ҳақоратли ва таҳдидли баёнотига кескин муносабат билдирди.
Карлсон ўз чиқишида Трампнинг “Аллоҳга ҳамд бўлсин” деган иборани ишлатганини эътиқод устидан кулиш деб атади ва АҚШ теократия эмаслигини эслатиб ўтди.
Унинг таъкидлашича, бошқа динларни масхара қилиш “ёвузлик” белгисидир ва ҳеч бир ўзини ҳурмат қилган инсон бундай йўл тутмайди.
Эслатиб ўтамиз, Доналд Трамп ўз ижтимоий тармоқларида Эрон раҳбариятига нисбатан ҳақоратли сўзларни ишлатиб, кескин огоҳлантириш билан чиқди. АҚШ президентининг таъкидлашича, келаётган сешанба куни Эронда “Электр станциялари ва кўприклар куни” “нишонланади” ва дунё ҳали бундай воқеага гувоҳ бўлмаган. “Қўпол сўзлар “ғалаба” эмас, балки умидсизлик белгисидир”, – деб жавоб қайтарди Трампга Эрон собиқ ташқи ишлар вазири Муҳаммад Жавад Зариф.
