«СЎНГГИ МУҲЛАТ — БУГУН ТУНДА: «Бутун бир цивилизация қирилиб кетиши мумкин» — Трамп»
АҚШ Президенти Дональд Трамп 7 апрель куни Эрон ҳудудига берилиши ваъда қилинган зарбалар натижасида «бутун бир цивилизация» йўқ бўлиб кетиши мумкинлигини тан олди.
«Бутун бир цивилизация бугун тунда (8 апрелга ўтар кечаси) ҳалок бўлади ва уни энди ҳеч қачон қайтариб бўлмайди. Мен бу содир бўлишини истамайман, лекин, эҳтимол, шундай бўлади», — деб ёзди у ўзининг Truth Social ижтимоий тармоғидаги саҳифасида.
Трамп Эронда энди «ақллироқ ва камроқ радикал кучлар» ҳокимият тепасида эканини такрорлади ва кун давомида «инқилобий-мўъжизавий бирор воқеа» содир бўлишига умид билдирди.
«Ким билади? Биз буни бугун кечқурун, узоқ ва мураккаб дунё тарихидаги энг муҳим пайтлардан бирида билиб оламиз», — дея таъкидлади АҚШ Президенти. Шунингдек, Америка етакчиси Худодан «Эроннинг буюк халқини асрашини» сўради.
