Алимент тўлашдан қочиб юрган эркак мол бозорида қўлга тушди

Фарзандлар таъминоти учун алимент тўлашдан бўйин товлаб юрган эркак МИБнинг Зомин тумани бўлими томонидан қидирувга берилган. Шундан сўнг эркак Сардоба туманидаги мол бозорида эканлиги аниқланган ва у бозорга мол олиб келган вақтида қўлга олинган.

Аниқланишича, фуқаронинг алимент бўйича қарзи 55 млн сўмдан ортиқни ташкил этади. Ҳозирда қарздорга нисбатан тегишли ижро ҳаракатлари амалга оширилмоқда.