Ёшлигимда кўрганимда ёш эди!.. (Видео)
Энди қарасам, анча ёши ўтиб қолибди. Бошқача айтганда, қарибди. Шу ёшлигидаги овози қолибди… Шунда мен ҳам қариган бўламанми? Бу-ку, бир пайтлар ҳамма ёқни гуллатиб-яшнатиб юрган эди. Тўйларга олиб боролмай овора бўлганмиз. Мен-чи? Йўғ-э, мен ҳали қариб қолмадим. Шунчаки, бу одамни кўрганимда — йигитлик пайтларимда — бу хонанда ёш эди. Шуни айтмоқчи эдим. Энди бир қарасам, қариб қолибди… Ҳа, умр оқар дарё, дейдилар… Айтганча, одам неча ёшида қарийди? Масалан, менга келадиган бўлсак, сира қаримаганман. Ёшимга келсак, айтяпман-ку, Тошпўлат Маткаримовни йигитлигимда кўрганимда у ёш эди. «Тулпор, тулпор» деган қўшиғи бўларди…
