Байденнинг ўғли Трампнинг ўғилларини дуэлга чақирди!..
АҚШда сиёсий кураш энди октагонга кўчмоқчи: Хантер Байден Трампнинг икки ўғлига қарши!
АҚШнинг собиқ президенти Жо Байденнинг ўғли Хантер Байден амалдаги президент Дональд Трампнинг ўғилларига «юз-ма-юз» жанг қилиш учун чақириқ ташлади. Бу сафарги баҳс минбарларда эмас, балки ҳақиқий «қафас жанги» (MMA) услубида бўлиши мумкин.
Ҳаммаси қандай бошланди? Бу воқеа чап қанот қарашларига яқин бўлган телеканал бошловчиси Эндрю Каллаханнинг Хантерга қилган қўнғироғидан бошланди. Каллахан Хантер ва Трампнинг икки ўғли ўртасида жанг ташкил қилиш истагида эканини билдирган.
«Мен 100 фоиз тайёрман!» «Channel 5»нинг Instagram саҳифасида эълон қилинган видеода 56 ёшли Хантер Байден иккиланмасдан таклифни қабул қилди: — «Мен унга буни қилишимни айтдим. Агар у ташкиллаштира олса, мен 100 фоиз тайёрман. Агар ташкиллаштира олмаса ҳам, барибир бораман», — деди Байден-кичик. Оқ уй ҳозирча ушбу «спорт ташаббуси» юзасидан сукут сақламоқда.
Имкониятлар қандай? Рақибларнинг жисмоний ҳолати анча жиддий:
-
Хантер Байден (56 ёш): Бўйи 183 см. Гиёҳвандликка қарши узоқ курашдан сўнг ҳозирда жуда қатъий соғлом турмуш тарзига амал қилмоқда.
-
Дональд Трамп-кичик (48 ёш): Бўйи 183 см. Куч ишлатиладиган машқлар ва оғир атлетика билан фаол шуғулланади.
-
Эрик Трамп (42 ёш): Бўйи 193 см. Асосан гольф ўйнашни хуш кўради.
Агар бу жанг ҳақиқатга айланса, бу АҚШ тарихидаги энг шов-шувли ва ғалати спорт мусобақаси бўлиши аниқ.
