Трамп иккимизнинг ишқий саргузаштларимизга Эпштейн сабабчи?!
Йўқ, ундай эмас…«Мен эримни тасодифан учратганман. Эпштейн бизни таништирмаган!»
АҚШнинг собиқ биринчи хоними Мелания Трамп машҳур секс-жиноятчи Жеффри Эпштейн билан алоқаси борлиги ҳақидаги «уятли ёлғонларга» чек қўйиш мақсадида расмий баёнот билан чиқди.
Меланиянинг таъкидлашича, у ҳеч қачон Эпштейн билан дўстлашмаган, унинг шахсий самолётида учмаган ва машъум «Эпштейн ороли»да бўлмаган.
«Бу шунчаки тасодиф» Мелания Дональд Трамп билан бирга баъзида Эпштейн ҳам қатнашадиган ижтимоий кечаларга таклиф қилинганини тан олди. «Бу шунчаки бир доирадаги одамларнинг тасодифий учрашувлари, холос», — дея қайд этди у.
«Мен Эпштейннинг қурбони эмасман» «У мени Дональд Трамп билан таништирмаган. Мен бўлажак турмуш ўртоғимни 1998 йилда Нью-Йоркдаги базмда мутлақо тасодифан учратганман», — деди Мелания. Унинг қўшимча қилишича, Эпштейн билан фақат 2000 йилда, Трамп билан бирга борган тадбирда танишган.
Айбловлар қаердан чиққанди? Аввалроқ, Эпштейннинг ёрдамчиларидан бири тергов материалларида эр-хотин Трампларнинг учрашувини айнан Эпштейн уюштирганини даъво қилган эди. Шунингдек, ўтган йили журналист Майкл Вулфнинг мақоласида Меланияни Трамп билан Эпштейнга ишлаган модель агенти таништиргани ҳақида ёзилган. Ўшанда биринчи хонимнинг адвокатлари бу маълумотни рад этиб, мақолани ўчиртиришга муваффақ бўлишган эди.
