Эрон тарихий ёдгорликларига етказилган зарар миқдорини эълон қилди
АҚШ ва Исроил Эрон билан содир бўлган можаро давомида ислом республикасининг тарихий ёдгорликларига 57,7 миллион доллар миқдорида зарар етказди. Бу ҳақда Эрон туризм вазири Реза Салеҳи-Амири маълум қилди.
«Умумий ҳисобда мамлакатнинг 20 та вилоятидаги ёдгорликларга шикаст етган. Кўрилган зарар тахминан 7,5 триллион Эрон туманига (57,7 миллион доллар) баҳоланмоқда», — дея унинг сўзларидан иқтибос келтирмоқда Эроннинг IRIB давлат телерадиокомпанияси.
Хабар қилинишича, жами 140 та объект зарар кўрган. Шулардан 63 таси Теҳронда, 23 таси Исфахонда ва 12 таси Курдистонда жойлашган.
