Теҳрон АҚШнинг шартларига жавоб бермади
АҚШ вице-президенти Жей Ди Вэнснинг Исломободга режалаштирилган дипломатик сафари Эрон томонидан жавоб бўлмагани сабабли қолдирилди.
The New York Times нашрининг АҚШ расмийларига таяниб хабар беришича, вице-президент Исломободда эронлик музокарачилар билан ядровий келишув масаласини муҳокама қилиши кутилаётган эди. Бироқ Теҳрон Вашингтон таклиф қилган музокара шартларига муносабат билдирмагач, сафарни кейинга қолдиришга қарор қилинган.
Таъкидланишича, Вэнснинг ташрифи ҳозирча бутунлай бекор қилинмаган, балки Эрон томонидан аниқ бир ишора бўлгунга қадар тўхтатиб турилган. Оқ уй музокаралар столига қайтиш учун Теҳроннинг розилигини кутмоқда.
