АҚШ Эрон яқинида кучли ҳарбий гуруҳ шакллантирмоқда
АҚШ Ҳинд океани ғарбий қисми ва Форс кўрфази атрофида учта авиаташувчи зарба гуруҳини жамлаш арафасида. Ҳозирда USS Abraham Lincoln ва USS Gerald Ford минтақада фаол, USS George Bush эса Араб денгизи томон йўлда. У етиб келгач, АҚШ бир вақтнинг ўзида учта авиаташувчидан иборат кучли зарба имкониятига эга бўлади.
Таҳлилчиларга кўра, бу фақат куч намойиши эмас, балки эҳтимолий кенг кўламли операцияга тайёргарликдир. Бундай гуруҳлашув ҳаводан кенг миқёсли зарбалар бериш, Ҳаво мудофаа тизимларини бостириш ва стратегик объектларга ҳужум қилиш имконини беради. Агар яқин кунларда дипломатик келишувга эришилмаса, вазият кескинлашиб, тўлиқ масштабли тўқнашув эҳтимоли ошиши мумкин.
