НАТО давлатлари Трампнинг Эрон бўйича босимидан норози бўлмоқда
АҚШ ва Европа давлатлари ўртасида кучайиб бораётган кескинлик фонида НАТО ҳар йили ўтказиладиган анъанавий саммитларни бекор қилиш имкониятини кўриб чиқмоқда. Бу ҳақда Reuters агентлиги олтита манбага таяниб хабар берди.
«Шимолий Атлантика альянси ҳар йиллик саммитлардан воз кечиш вариантини ўрганмоқда. Бундай қадам АҚШ президенти Дональд Трампнинг ваколат муддати якунланаётган сўнгги йилда у билан юзага келиши мумкин бўлган низоли учрашувларнинг олдини олишга ёрдам бериши мумкин», — дейилади нашр мақоласида.
Агентликнинг аниқлик киритишича, Оқ уй маъмурияти мудофаа альянси аъзоларини бир неча бор кескин танқид қилган. Сўнгги вақтларда айрим иттифоқчилар АҚШнинг Эронга қарши ҳарбий амалиётларида етарлича ёрдам бермаётганликда айбланмоқда.
