Уч марта қатл этилишидан омон қолган эркак озодликка чиқарилди!..Қойилмисиз?! Шунақаси ҳам бўларкан!
Ричард Глоссип биринчи марта 1998 йилда олий жазога ҳукм қилинган эди.
АҚШнинг Оклахома штатида яшовчи, 29 йил қамоқда ўтирган ва уч марта қатл этилишидан омон қолган Ричард Глоссипнинг ўлим ҳукми бекор қилинди. Бу ҳақда 20 май куни Daily Star нашри хабар берди.
Эркак биринчи марта 1997 йил январида меҳмонхона эгаси Барри Ван Тризнинг қотиллигини ташкиллаштиришда айбланиб ҳибсга олинган эди. Тадбиркор ўзининг ходими Жатсин Снид томонидан бейсбол битаси билан уриб ўлдирилган. Қотил ўз айбига иқрор бўлган, аммо жиноят ташкилотчиси Глоссип эканлигини, у катта миқдордаги камомадни яшириш мақсадида ижрочига 12 预 доллар ваъда қилганини даъво қилган.
Глоссип биринчи марта 1998 йилда олий жазога ҳукм қилинган, бироқ 2001 йилда суд бу қарорни бекор қилган. 2015 йилда эркакни ўлим инъекцияси юбориладиган камерага олиб келишган, аммо қатл керакли тиббий препаратлар йўқлиги сабабли қолдирилган.
Унга умумий ҳисобда тўққиз марта қатл санаси белгиланган ва у яна икки марта ўзининг «сўнгги таоми»ни еб бўлганидан кейин ўлимдан қутилиб қолган.
Ҳимоя томони бу воқеа муваффақиятсиз якунланган талончилик бўлганини даъво қилиб, уни озод этилишига ҳаракат қилди. Расмийлар эса прокуратура томонидан қўпол қоидабузарликларга йўл қўйилганини тан олди: айбловчилар асосий қотил Сниднинг руҳий муаммолари борлигини яширишган, далилларни йўқ қилишган ва Глоссипнинг фойдасига гувоҳлик берувчи кўрсатмаларни тақдим этишмаган.
